ზუგდიდის მუნიციპალტეტში სკოლების ნაწილი საკლასო ოთახებში დაიწყებს სასწავლო პროცესს, ნაწილი კი დისტანციურად [Video]

0
799

ქვეყნის მასშტაბით საჯარო სკოლებში ახალი სასწავლო პროცესი სხვადასხვა დროს იწყება, ვინაიდან კოვიდვირუსთან დაკავშირებული სიტუასციის გამო დიდ ქალაქებში და მათ შორის ზუგდიდის სკოლებში სწავლა პირველ ოქტომბრამდე გადაიდო. აღნიშნულ სკოლებში გაკვეთილები ონლაინ რეჟიმში ჩატარდება. ქალაქის სკოლებისგან განსხვავებით სწავლის დაწყების ნება სოფლის სკოლებს გარკვეული რეგულაციების დაცვის გათვალისწინებით დართეს. ჩვენი გადამღები ჯგუფი რუხის საჯარო სკოლაში იმყოფებოდა, სადაც ხვალინდელი დღისთვის განსაკუთრებულად ემზადებიან. რამდენად შეძლებენ ისინი რეგულაციების დაცვას და როგორ ემზადებიან ახალი სასწავლო წლისთვის, ამის შესახებ სკოლის მასწავლებლები ჩვენთან საუბარში განმარტავენ, რომ სასწავლო პროცესის დაწყებას მონატრებულები იყვნენ, რაც შეეხება ონლაინ სწავლების მეთოდს, მათი თქმით, თავიდან ეს პროცესი სირთულეებთან იყო დაკავშირებული, თუმცა მოკლე დროში მოსაწვლეებთან ერთად პრობლემების დაძლევა მოახერხეს.
რუხის სკოლის მოსწავლეებს ახალი სასწავლო წლის დაწყება განსაკუთრებით უხარიათ, მათი თქმით, პანდემიის დროს ონლაინ გაკვეთილებს როგორც დადებითი, ასევე ბევრი უარყოფითი მხარე ქონდა.
ქალაქის სკოლები ონლაინ სწავლების სისტემით იწყებენ ახალ სასწავლო პროცესს. ზუგდიდის მეორე საჯარო სკოლის დირექტორის ნინო ბულიას თქმით, სკოლა მზადაა ახალი სასწავლო პროცესი დისტანციურ რეჟიმზე გადასვლით დაიწყოს. მას იმედი აქვს, რომ მოსწავლეები სწავლას მალე ჩვეულ რეჟიმში გააგრძელებენ.

წინა სტატია„გაიგეთ მეტი კოვიდ 19-ზე”-გადაცემის სტუმარია რუხის საჯარო სკოლის დირექტორი გოგი თოდუა [Video]
შემდეგი სტატიასაქართველოში კორონავირუსის 170 ახალი შემთხვევა გამოვლინდა
ტელეკომპანია ოდიშის საინფორმაციო სამსახური