საქართველოს სტრატეგიული ანალიზის ცენტრი, ნატოს საჯარო დიპლომატიის დეპარტამენტთან ერთად ახორციელებს პროექტს, რომლის ფარგლებშიც ორდღიანი შეხვედრა სამეგრელოს რეგიონის მედიის წარმომადგენლებისთვის გაიმართა. აღნიშნულ შეხვედრაზე ისაუბრეს და განიხილეს ისეთი მნიშვნელოვანი საკითხები, როგორიცაა პოლიტიკური, უსაფრთხოებისა და თავდაცვის თემები, ნატო, მისი მისია და ოპერაციები, ასევე საქართველოს ძალისხმევა ამ ორგანიზაციაში გაწევრიანებისთვის. საქართველოს სტრატეგიული ანალიზის ცენტრის პროექტის მენეჯერის ნუკი დარასელიას განმარტებით, ისინი მესამე წელია აქტიურად თანამშრომლობენ ნატოსთან და რამდენიმე საინტერესო და მნიშვნელოვან პროექტს ახორციელებენ. მისივე თქმით, ჟურნალისტების გადამზადების პროცესი კიდევ ოთხ რეგიონში ჩატარდება.