სტრატეგია აღმაშენებლის ლიდერმა, გიორგი ვაშაძემ განაცხადა, რომ მათ მოხალისეებს თავდამსხმელებმა ფიზიკური და სიტყვიერი შეურაცხყოფა მიაყენეს. ვაშაძის განმარტებით, აქტივისტები ხელმოწერებს აგროვებდნენ, რა დროსაც რამდენიმე პირი პარტიის ბანერთან მივიდა და ახალგაზრდებს თავს დაესხა.
“მოვითხოვთ ამ ადამიანების უმკაცრესად დასჯას და მოვითხოვთ თქვენგან [ქართული ოცნებისგან], ხელი აიღეთ ძალადობისგან, ხელი არ წაგიცდეთ ჩვენს ახალგაზრდებზე, თქვენი არავის არ ეშინია”, — ამბობს ვაშაძე.
მისივე თქმით, აღნიშნული შემთხვევის შესახებ ისინი ინფორმაციას მიაწვდიან საერთაშორისო სადამკვირვებლო ორგანიზაციებს და გააგრძელებენ მონიტორინგს, რომ თავდამსხმელები დაისაჯონ.
შინაგან საქმეთა სამინისტროს განცხადებით,სტრატეგია აღმაშენებლის ორ აქტივისტის სიტყვიერ შეურაცხყოფაზე ორი პირია დაკავებული.ორივენი შემთხვევის ადგილზე დააკავეს. მათ ბრალად წვრილმანი ხულიგნობა ედებათ.