ახალი კორონა ვირუსით შეიძლება ნებისმიერი ასაკის ადამიანი დაინფიცირდეს. დაავადების გართულების უფრო მაღალი რისკის ქვეშ არიან ხანში შესული ადამიანები, ასევე ისინი, ვისაც სხვა თანმხლები დაავადებები აწუხებთ, როგორებიცაა ასთმა, დიაბეტი, გულის დაავადებები. ჯანდაცვის მსოფლიო ორგანიზაცია ურჩევს ყველა ასაკის ადამიანს, რომ ვირუსისგან თავდაცვის მიზნით, მკაცრად დაიცვან ჰიგიენის წესები. საქველმოქმედო ჰუმანიტარული ცენტრი “აფხაზეთი” არის ორგანიზაცია, რომელმაც პანდემიის დროს განსაკუთრებული პროექტების განხორციელება დაიწყო კოლექტიურ ცენტრებში ხანდაზმულებისთვის, რომელიც სხვადასხვა მიმართულებით მუშაობას გულისხმოს, ერთ-ერთი ასეთი პროექტი არის შინმოვლის სერვისი ხანდაზმულებისთვის, რომლის განხორციელებაც 15 აგვისტოს დაიწყო და სამი თვე გაგრძელდება. რატომ არის მნშვნელოვანი ხანდაზმულებზე ზრუნვა და რა გამოწვევის წინაშე დადგნენ რისკ-ჯგუფში მყოფი ადამიანები კორონავირუსის დროს, ამ და სხვა მნიშვნელოვან თემებზე “ოდიშის” კითხვებს ცენტრი აფხაზეთის პროექტის კოორდინატორი ირაკლი ქოჩუა პასუხობს