საერთაშორისო ბიზნეს სკოლამ (IBS) საზაფხულო სკოლის ფარგლებში მესამე ნაკადი გააცილა და ამასთან დაკავშირებით თითოეულ კურსდამთავრებულს სერთიფიკატები გადასცა. საზაფხულო სკოლის მონაწილეები 5-დან 10წლამდე ასაკობრივი ჯგუფის ბავშვები იყვნენ. საზაფხულო სკოლა სტარტს შემდგომი სეზონიდან აიღებს. იგეგმება ასევე ზამთრის სკოლის ჩატარებაც.ღონისძიებაზე ორგანიზაციის მომავალ მიზნებზე,ხედვებსა და პერსპექტივებზე ისაუბრეს საერთაშორისო ბიზნეს სკოლის მენეჯმენტმა გუნდის წევრებთან ერთად.
„საერთაშორისო ბიზნეს სკოლა“ გახლავთ ორგანიზაცია, რომელიც ფუნქციონირებს ზუგდიდში და რომლის მიზანიც არის მოზარდებში ფინანსური წიგნიერების ზრდა, ორგანიზაცია განსაკუთრებულ აქცენტს აკეთებს ახალგაზრდებში მეწარმეობრივი უნარ-ჩვევების გამომუშავებაზე,უცხო ენების სხვადასხვა მეთოდებით შესწავლასა და ტურიზმის განვითარებაზე.