ხმაური ზუგდიდის ბაზართან – გარემოვაჭრეებს სოფლის პროდუქტით ვაჭრობა აუკრძალეს, რასაც მათი უკმაყოფილება მოჰყვა.
თვითდასაქმებულებმა ზუგდიდის მერს, გეგა შენგელიას სთხოვეს, სამი დღით გარე ვაჭრობის უფლება მიეცა, რომ აღებული პროდუქტი გაეყიდათ.
“…ამდენი ხანია ამ ზუგდიდის ბაზარში ასეთი განუკითხაობაა ერთი არ ჩამოსულა, საერთოდ არ ვიცნობ პიროვნებას ვინ არის, ხომ არის აქაური მერი, აქაური გამგებელი, ხომ ჰყავს ამ ქალაქს ჩამოვიდეს, რომელიმე და გასცეს ხალხს პასუხი,” – ამბობს ერთ-ერთი თვითდასაქმებული.”მთავარ არხთან” გარემოვაჭრეები ამბობენ რომ, გეგა შენგელიამ მათ დასამშვიდებლად ცივი წყალი დაურიგა და ურჩია დაელიათ. მათივე თქმით, ხელისუფლება ყურადღებას არ აქცევს და ახლა მათ დამცირებაზე გადავიდა.