ვინ ლაპარაკობს წარსულის შეცდომებზე? ,,გახარიას განცხადება ოპონენტებზე ბინძური თავდასხმაა” – ამბობს გიგა ბოკერია

0
385

ევროპული საქართველოს ლიდერი გიგა ბოკერია აგვისტოს ომზე საქართველოს პრემიერინისტრის, გიორგი გახარიას განცხადებას ეხმაურება. ბოკერიას თქმით, იმის ნაცვლად, რომ ხელისუფლებას საერთო მტრის წინააღმდეგ ერთიანობის გზავნილი ჰქონდეს, გახარიას განცხადება ოპონენტებზე ბინძური თავდასხმაა.

“გახარიას ეს განცხადება, ისევე, როგორც ივანიშვილის კლოუნების სხვა განცხადებები, არის აბსოლუტურად არაორაზროვანი და სამარცხვინო მცდელობა. ასეთ მძიმე დღეს იმის მაგივრად, რომ პირველ რიგში ხელისუფლებისგან იყოს საერთო მტრის წინააღმდეგ საზოგადოების და, მათ შორის, პოლიტიკური სპექტრის ერთიანობის გზავნილი, ამ დღესაც კი ბინძური, სულელური და ცილისმწამებლური თავდასხმაა პოლიტიკურ ოპონენტებზე და იმის ვერ გაგება, რომ ამით საკუთარ ქვეყანას ურტყამ. 

იმის ნაცვლად, რომ ლაპარაკობდეს, რომ უკვე 12 წელი გავიდა და გრძელდება ეს აგრესია, ლაპარაკობს, რომ ჩვენ წინა ხელისუფლებასავით არ მოვიქცევით და ამით თავის ქვეყანას აბრალებს, ანუ, შენი ქვეყნის ხელისუფლების ქმედებებში იყო პრობლემა და არა მტერში”. – ამბობს ბოკერია ტელეკომპანია პირველთან ინტერვიუში. 

პრემიერმინისტრმა გახარიამ გუშინ, 7 აგვისტოს თქვა, რომ “ჩვენ აღარასოდეს გავიმეორებთ წარსულის შეცდომებს, რადგან კარგად ვიცით, რომ მშვიდობას ალტერნატივა არა აქვს.” 

წინა სტატიაივანიშვილის ნერვიული ,,ტორეადორი” ირაკლი კობახიძე, როგორც ასეთი, სიტყვა-ქვებს ისვრის, ხარი კი ძალიან ახლოს არის…
შემდეგი სტატიააი, თურმე რატომ უჩვენებდნენ ძველი მეგრელები კბილებს მთვარეს
ტელეკომპანია ოდიშის საინფორმაციო სამსახური