უნდა ამოვძირკვოთ რუსული გავლენები საქართველოში და დავდგეთ განვითარების გზაზე -გიორგი რურუა

0
416

მთავარი არხის ერთ-ერთი დამფუძნებელი, მსჯავრდებული გიორგი რურუა აგვისტოს ომის 12 წლისთავს ეხმაურება და წერს, რომ სამუდამოდ უნდა ამოიძირკვოს რუსული გავლენები საქართველოში. ამის შესახებ განცხადება გიორგი რურუას Facebook გვერდზე გავრცელდა:

“შემაშფოთებელია რუსეთ-საქართველოს ომის 12 წლისთავზე ისევ, ყოფნა-არყოფნაზე გვიწევს საუბარი ერთხელ და სამუდამოდ უნდა ამოვძირკვოთ რუსული გავლენები საქართველოში და დავდგეთ განვითარების გზაზე, დანარჩენ თავისუფალ სამყაროსთან ერთად. ყველაფერი ჩვენს ხელშია და სიმართლეც ჩვენს მხარეზეა. პატივს მივაგებ ჩვენი გმირი ბიჭებისა და გოგონების ხსოვნას”, – წერს ის. 

30 ივლისს თბილისის საქალაქო სასამართლომ “მთავარი არხის” მეწილე გიორგი რურუა დამნაშავედ სცნო და 4 წლით თავისუფლების აღკვეთა მიუსაჯა.აშშ-ის სენატის საგარეო საქმეთა კომიტეტის თავმჯდომარემ ჯიმ რიშმა თქვა, რომ პრეზიდენტმა სალომე ზურაბიშვილმა გიორგი რურუა უნდა შეიწყალოს.  ზურაბიშვილს რურუას შეწყალებისკენ მოუწოდა ევროპარლამენტარმა ანნა ფოტიგამაც. 

ევრონესტის საპარლამენტო ასამბლეაში ევროპარლამენტის დელეგაციის თავმჯდომარე ანდრიუს კუბილიუსმა თქვა, რომ საქართველოში სასამართლოს პოლიტიზება გრძელდება და დაინტერესდა, დაიცავს თუ არა საქართველოს პრეზიდენტი 8 მარტის შეთანხმებას. ამის მიუხედავად, 31 ივლისს საქართველოს პრეზიდენტმა განაცხადა, რომ “ამ პიროვნებას არ შეიწყალებს”.

წინა სტატიაივანიშვილის პირობებში საქართველო ვერ დააღწევს თავს საბჭოთა მენტალობას და რუსეთის ორბიტას -გიგი უგულავა [Video]
შემდეგი სტატია12 წლის განმავლობაში რუსული ჯარები უკანონოდ იმყოფებიან საქართველოს ტერიტორიაზე – ჯეიმს აპატურაი
ტელეკომპანია ოდიშის საინფორმაციო სამსახური