საქართველოში რუსული არმიის შემოჭრისა და 2008 წლის აგვისტოს ომის 12 წლისთავს ნატო-ს გენერალური მდივნის სპეციალური წარმომადგენელი კავკასიასა და ცენტრალურ აზიაში ჯეიმს აპატურაი Facebook-ზე ეხმაურება:
„12 წლის განმავლობაში რუსული ჯარები უკანონოდ იმყოფებიან საქართველოს ტერიტორიის 20%-ზე, რის შედეგადაც, ათასობით ადამიანი საკუთარი სახლებიდან და მიწიდან გადაადგილებულია. ნატო კვლავ განაგრძობს საქართველოს აღიარებას მის საერთაშორისოდ აღიარებულ საზღვრებში და მოუწოდებს რუსეთს, შეასრულოს საერთაშორისო ვალდებულებები და გაიყვანოს თავისი ძალები საქართველოს ტერიტორიიდან“, – წერს აპატურაი.
2008 წლის 7 აგვისტოს რუსულმა არმიამ როკის გვირაბის გავლით საქართველოში შემოიჭრა და ომი დაიწყო, რასაც დიდი მსხვერპლი მოჰყვა როგორც ჯარისკაცებისა და პოლიციელების, ისე სამოქალაქო პირების. საოკუპაციო ხაზის იქით მოექცა 125 სოფელი. 20 ათასზე მეტი ადამიანი საკუთარ ქვეყანაში დევნილად იქცა.