“სამწუხარო ინფორმაცია ავტოკატასტროფაში გარდაიცვალა რაგბი კლუბის ზუგდიდის ორი მოთამაშე იაკობ ოთხოზორია ლევან მაქაცარია “- ამის შესახებ ინფორმაციას “რაგბის კლუბი ზუგდიდი” ავრცელებს.
“კლუბის სახელით ვუსამძიმრებთ მათ ოჯახებს , უფალმა გაგაძლიეროთ ამ მძიმე ჟამს,”- წერია კლუბის მიერ გავრცელებულ ინფორმაციაში.
შეგახსენებთ, რომ ზუგდიდი-ანაკლიის გზაზე, ავტოსაგზაო შემთხვევას სამი ადამიანის სიცოცხლე ემსხვერპლა.
შემთხვევის შედეგად დაშავდა ერთი ადამიანი, რომელიც ზუგდიდის საავადმყოფოში გადაიყვანეს.
გავრცელებული ინფორმაციით, გადაჭარბებული სიჩქარით მოძრავი ავტომობილი გზის სავალი ნაწილიდან გადავიდა და ხეს შეეჯახა.
შსს- ს განცხადებით , მომხდარზე გამოძიება 276-ე მუხლის მე-6 ნაწილით დაიწყო.