სოფელ ყარაჯალარის მოსახლეობა საპროტესტო აქციას მართავს. ადგილობრივები აცხადებენ, რომ კორონავირუსის არსებობის არ სჯერათ და სოფლის გახსნას მოითხოვენ.
ადგილობრივების განცხადებით, იმ ადამიანებს, რომლებსაც კორონავირუსი დაუდასტურდათ, რეალურად სხვა დაავადებები აწუხებთ.
საპროტესტო აქციაზე მობილიზებულია საპატრულო პოლიცია.
გავრცელებული ინფორმაციით, სოფელი ყარაჯალარიდან რამდენიმე ადამიანმა გამოპარვა სცადა.
ყარაჯალარი კორონავირუსის გავრცელების გამო ჩაკეტილია. სოფელში საკარანტინო რეგულაციები მოქმედებს.