ნემო ბურჭულაძის შვილი, მუხრან ბურჭულაძე ამტკიცებ,ს რომ მამამისი გაიტაცეს. ეს კი განსაკუთრებით მძიმე დანაშაულია.
მუხრან ბურჭულაძემ განცხადება გაავრცელა, რომელშიც ნათქვამია, რომ მამამისი აშშ-დან საქართველოში ჩამოფრენის შემდეგ, ორი კვირით კარანტინში მოათავსეს. თუმცა, ეს გატაცებაა და ვირუსს არ უკავშირდება.
“ის დღეს [26 ივლისს] ჩაფრინდა თბილისში და მიუხედავად შეერთებული შტატების, ჯანდაცვის სისტემის მიერ გაცემული ცნობისა, რომლის თანახმადაც, ის არ არის ინფიცირებული, ამასთან, ცხოვრობს მარტო და ეკუთვნის თვითიზოლაცია, უკანონოდ იქნა გატაცებული, გაურკვეველი მიმართულებით, საქართველოს პარაზიტი რეჟიმის მიერ. მას არ მისცემია ჩემთან ან ახლობლებთან დაკავშირების შესაძლებლობა, როდესაც დამნაშავესაც კი აქვს ერთი ზარის უფლება. კომუნისტებიც კი ატყობინებდნენ ოჯახის წევრს, პატიმრის გულაგში გადასახლების შესახებ.
ეს არის გატაცება, თავისუფლების უკანონო აღკვეთა, რაც გახლავთ განსაკუთრებით მძიმე დანაშაული.
დღეს საქართველოს უამრავი მოქალაქეა გატაცებული, ხოლო ქართველი ოჯახები მტკვარში ინიციალებიან მორებს ელოდებიან.
ერთად მოგხედავთ!” – აცხადებს ლიბერალ-დემოკრატების დევნილი ლიდერი, მუხრან ბურჭულაძე შეერთებული შტატებიდან”. – წერია განცხადებაში.
მუხრან ბურჭულაძე პარტია ლიბერალ-დემოკრატების ლიდერია, ნემო ბურჭულაძე კი პარლამენტის ყოფილი დეპუტატია, ის საარჩევნო ბლოკ “მრგვალი მაგიდა -თავისუფალი საქართველოს” წევრი იყო.