თურქული მედიის ცნობით, თურქეთის შავი ზღვის რეგიონში, კერძოდ ტრაბზონში, რიზესა და ართვინში გადაუღებელი წვიმის შედეგად მდინარეები ადიდდა. დაღუპულია 2 ( ზოგი ვერსიით 4) , დაშავებულია11 ადამიანი. დაშავებულები საავადმყოფოებში გადაიყვანეს.
ართვინის გუბერნატორი ილმაზ დოროუკიაცხადებს, რომ დატბორილია ვრცელი ტერიტორია.რეგიონში წყალდიდობისა და მეწყრის შედეგად ათობით სახლი დაზიანდა, სამი კი მთლიანად განადგურდა.
თურქულ მედიასა თუ სოციალურ ქსელებში გავრცელებული ფოტო/ვიდეომასალის მიხედვით, საკმაოდ მასშტაბურმა მეწყერმა არაერთი ავტომანქანა მოიყოლა.
დერინერის კაშხლის სამშენებლო მოედანზე გაჩერებული ავტომანქანები ტალახით გაივსო, ბევრი მათგანი კი ისე დაზიანდა, რომ გამოუსადეგარი გახდა. ეკოლოგიური კატასტროფის ადგილას ამ დროისთვის სამაშველო ჯგუფები მუშაობენ და დაკარგულებს ძაღლების დახმარებით ეძებენ.
ქვეყნის შინაგან საქმეთა მინისტრი სულეიმან სოილუ აცხადებს, რომ დამეწყრილ ტერიტორიაზე მუშაობს მძიმე ტექნიკა.სამაშველო ჯგუფებს 12 სოფლამდე მისვლა უჭირთ.