უხვმა ნალექმა ჩხოროწყუს მუნიციპალიტეტში პრობლემები შექმნა. დატბორილია საკარმიდამო ნაკვეთები და სავარგულები.
მერიის ინფორმაციით, რამდენიმე ადგილას ჩამოწოლილია მეწყერი. ასევე მეწყრის შედეგად სოფელ ლეწურწუმეში ნაწილობრივ ჩამოშლილია სასაფლაოს ბეტონის ღობე. დაზიანებულია ხიდ-ბოგირები, რის გამოც სოფელ ჭოღაში, ხანწკის უბანში გზაზე მოძრაობა შეიზღუდა.
ამ ეტაპისთვის გაწმენდითი სამუშაოები მიმდინარეობს. სტიქიის ადგილზე იმყოფებოდნენ მუნიციპალიტეტის მერი დათო გოგუა და მერიის შესაბამისი სამსახურების წარმომადგენლები, რომლებიც მოსახლეობას შეხვდნენ.