თუკი ოცნებობთ ჰორტენზიებით დამშვენებულ ეზოზე, გასაოცარი, განუმეორებელი და ფერების სიმრავლით გამორჩეული ყვავლილების ნახვა შეგიძლიათ ზუგდიდის რაიონის სოფელ კახათში მცხოვრებ მებაღე ლალი თოდუასთან. 62 წლის ქალბატონმა მისი შეგროვება კოლექციის სახით 40 წლის წინ დაიწყო და 15 წელიწადში ეს საქმე ბიზნესად აქცია.
ჰორტენზიების გარდა სახლის ირგვლივ 4 ათას კვადრატულ მეტრზე 300ზე მეტი სახეობის დეკორატიული მარადმწვანე მცენარე ხარობს.
ეზოში ნებისმიერი კუთხე საგულდაგულოდ და საოცრად მოვლილია, რაც ყველაზე მეტად თვალში საცემია და რაშიც კარდების ხილვის დროს თქვენ თვითონაც დარწმუნდებით.
აქ უამრავი უცხო და იშვიათი ჯიშის მცენარეების კოლექციაა თავმოყრილი, დეკორატიული მცენარეების მოვლის პროცესში მებაღე ქალბატონს ოჯახის ყველა წევრი ეხმარება, განსაკუთრებით მეუღლე, რომელიც მცენარეებს ალამაზებს ანუ სხვადასხვა ფორმას აძლევს. პანდემიის პერიოდში რეალიზების კუთხით პრობლემების წინაშე აღმოჩნდნენ, ამის გარდა, მათ წლის პრობლემა აწუხებთ, რომელიც მცენარეების მოვლისთვისა და გახარებისთვის სასიცოცხლოდ მნიშვნელოვანია.