“შეასრულეთ 8 მარტის შეთანხმება, თავისუფლება რურუას” – მოძრაობა სირცხვილია პარლამენტთან საპროტესტო აქციას მართავს.
შეკრებილები ითხოვენ, გათავისუფლდეს გიორგი რურუა და შესაბამისად, შესრულდეს 8 მარტის საარჩევნო შეთანხმება, რომელიც საკონსტიტუციო ცვლილებებს და საარჩევნო სისტემის შეცვლას ითვალისწინებს.
“უნდა შესრულდეს 8 მარტის შეთანხმება, რაც გულისხმობს არაიდეალური, მაგრამ გაცილებით უკეთესი საარჩევნო სისტემის მიღებას და და პოლიტპატიმარ გიორგი რურუას გათავისუფლებას. წინაღმდეგ შემთხვევაში საქართველოს ოდნავ მაინც შანსი არ აქვს, რომ ნორმალური პოლიტიკური პროცესი დაიძრას. ბიძინა ივანიშვილისთვისაც ეს არის ბოლო შანსი, რომ რაღაცის ნორმალიზება მოხდეს ამ ქვეყანაში”. – თქვა სირცხვილიას ერთ-ერთმა აქტივისტმა, ზუკა ბერძენიშვილმა.