თითქმის შვიდთვიანი გაუჩინარების შემდეგ ბიძინა ივანიშვილი ქუთაისში გამოჩნდა. საგანგებოდ გასაიდუმლოებული სტუმრობა “მთავარისთვის” გახდა ცნობილი.
ოლიგარქმა ტექნოლოგიური უნივერსიტეტი დაათვალიერა. “ქართული ოცნების” ,,მთავრის” სტუმრობას უსაფრთხოების ნორმების განსაკუთრებული დაცვა მოჰყვა – რამდენიმე ჰექტარზე განთავსებული შენობის ყველა შესასვლელი სამართალდამცველებს ჰქონდათ გადაკეტილი.
“საკუთარ ქვეყანაში რომ დაიპარები და ადამიანებს ემალები – დასასრულის დასაწყისია ეს. ფინალი იქნება ოქტომბერში!” – ამის შესახებ პარტია “ლელოს” ლიდერმა ანა ნაცვლიშვილმა განაცხადა.
“ივანიშვილი თავადაც კარგად ხვდება, რომ ხალხთან გამოსაჩენი პირი აღარ აქვს, არც პასუხები აქვს იმ კითხვებზე, რაც მრავლად დაგროვდა .”- “ლელო საქართველოსთვის” ლიდერი ანა ნაცვლიშვილი ივანიშვილის ქუთაისში ვიზიტს ეხმაურება.
“ლელოს” ლიდერის თქმით, ბიძინა ივანიშვილი უნივერსიტეტს კი აშენებს, მაგრამ ახალგაზრდებსაც ვერ შეხვდა: რომ ჰკითხავენ, საქართველოში სად უნდა დასაქმდნენ ან ამ, ან სხვა უნივერსიტეტებში ნასწავლი ახალგაზრდები – პასუხი არ აქვს!
“რატომ წაერთვა ქუთაისს, ისევე, როგორც მთელ საქართველოს, განვითარების პერსპექტივა, პასუხი არ აქვს; როგორ დააბრუნებს ქალაქიდან (ისევე, როგორც ქვეყნიდან) წასულ ასობით დედას მარტო დატოვებულ ასობით შვილთან და რას შესთავაზებს მათ, სამშობლოში დაბრუნებულებს, პასუხი არ აქვს. -საკუთარ ქვეყანაში რომ დაიპარები და ადამიანებს ემალები – დასასრულის დასაწყისია ეს. ფინალი იქნება ოქტომბერში!”-აცხადებს ანა ნაცვლიშვილი.
შეგახსენებთ, რომ მას შემდეგ, რაც ქვეყანაში კორონავირუსის პანდემია გავრცელდა, ქვეყნის არაფორმალური მმართველი საზოგადოების წინაშე ერთხელ, ისიც ტიკ-ტოკის ვიდეოში და მეორედ, კახი კავსაძის დაბადების დღეზე, “ფეისბუქზე” მისალოცი ტექსტით გამოჩნდა.