59 წლის ლარისა შაპარიოვა ლიფტში ჩავარდა და ფეხის მრავლობითი მოტეხილობა მიიღო. ინციდენტი ქუთაისში, სულხან-საბას ქუჩაზე რამდენიმე კვირის წინ მოხდა. მრავალშვილიან დედას ოპერაცია უკვე გაუკეთეს, მაგრამ მას კიდევ ერთი ოპერაცია ესაჭიროება. – ინფორმაციას ამის შესახებ ნიუპოსტი ავრცელებს.
კორპუსში ლიფტი დიდი ხანია გაუქმებულია და მას სათავსოებად იყენებენ. როგორც მობინადრეები ყვებიან, მათ მერიას ლიფტის გარემონტების მოთხოვნით არაერთხელ მიმართეს და თანხაც კი შეაგროვეს. საბინაო სამსახურმა ლიფტის გარემონტებისთვის 3,000 ლარი მოითხოვა, რაც სადარბაზოში მცხოვრებთათვის მეტისმეტად დიდი თანხა აღმოჩნდა, რადგან იქ ბევრი უმუშევარი და პენსიონერი ცხოვრობს.