რუსეთში გრძელდება საყოველთაო ხმის მიცემა საკონსტიტუციო ცვლილებების, მათ შორის პრეზიდენტობის ვადის „განულებისთვის.“ ეს ცვლილება პუტინს მისცემს შესაძლებლობას პრეზიდენტად კენჭი ახალი ვადებით იყაროს და ხელისუფლების სათავეში დარჩეს 2036 წლამდე.
სოციალურ ქსელებში ვრცლდება უამრავი ფოტო და ვიდეომასალა, თუ როგორ ხდება ხმის მიცემა საარჩევნო უბნებს მიღმა. რუსეთის საარჩევნო ადმინისტრაციაში აცხადებენ, რომ კორონავირუსის ეპიდემიის გამო ღია ცის ქვეშ მოწყობილია სპეციალური ადგილები.
ოპოზიციონერი ლიდერის, ალექსეი ნავალნის შტაბი ხაბაროვსკიდან ავრცელებს ვიდეომასალას, სადაც ჩანს, რომ ხმის მისაცემად „უბანი“ გახსნილია ავტომანქანის საბარგულში.