შინაგან საქმეთა მინისტრის მოადგილემ ნინო ჯავახაძემ თანამდებობა დატოვა. ამის შესახებ მან Facebook-ის გვერდზე დაწერა.
“15-წლიანი მუშაობის შემდეგ დავტოვე საჯარო სამსახური. ასე და ამგვარად”, – დაწერა “ფეისბუქზე” ჯავახაძემ.
შინაგან საქმეთა სამინისტროს ვებგვერდზე, Police.ge-ზე მის შესახებ ინფორმაცია უკვე აღარ იძებნება.
ნინო ჯავახაძე 2016-2017 წლებში ჯავახაძე გიორგი გახარიას მოადგილე იყო, როცა ის ეკონომიკისა და მდგრადი განვითარების მინისტრის თანამდებობას იკავებდა. 2017 წლიდან კი შს მინისტრის მოადგილე გახდა.
ნინო ჯავახაძე დღემდე ინარჩუნებდა შს მინისტრის მოადგილის თანამდებობას, მიუხედავად იმისა, რომ გახარია პრემიერად დანიშვნის შემდეგ შს სამინისტროში მასთან მწვავედ დაპირისპირებული გომელაური მივიდა.