რესპუბლიკელი კონგრესმენი მარკუეინ მალინი აშშ-ში საქართველოს ელჩის, დავით ბაქრაძის განცხადებას ტყუილს უწოდებს.
რესპუბლიკური პარტიის შემსწავლელი ჯგუფის მიერ გამოქვეყნებული ანგარიშის შემდეგ, სადაც ეწერა, რომ ქართული ოცნების თავმჯდომარე ბიძინა ივანიშვილი პუტინის უახლოესი მოკავშირეა, დავით ბაქრაძემ თქვა, რომ დოკუმენტზე ხელის მომწერთა ნახევარი არ იცნობს ან არ იზიარებს აბზაცს, რომელიც ივანიშვილს ეხება.
“ვნახე ქართულ პრესაში ეს სტატია რესპუბლიკური პარტიის შემსწავლელი კომიტეტის მიერ შექმნილ ეროვნული უსაფრთხოების სტრატეგიის შესახებ. შეცდომას ნუ დაუშვებთ, ეს ტყუილია. მე და ჩემი კოლეგები რესპუბლიკური პარტიის შემსწავლელ კომიტეტში თავისუფლების დამცველები ვართ და არ შევდრკებით პუტინის მოკავშირეების წინააღმდეგ ბრძოლაში, მათ შორის არც საქართველოში”, – წერს მალინი Twitter-ზე.