ვინ აფინანსებს ანა დოლიძის ორგანიზაციას, რომლის ფინანსებსაც ეს უკანასკნელი თავად განკარგავს და რატომ?ეს არის მთავარი შეკითხვა იუსტიციის უმაღლესი საბჭოს არამოსამართლე წევრის, ანა დოლიძის მიმართ, რომელმაც 2020 წლის 21 მაისს დააფუძნა სამოქალაქო მოძრაობა “ხალხისთვის” და დღეს, 18 ივნისს, ალეკო ელისაშვილთან და ლევან კობერიძესთან ერთად ახალი პოლიტიკური პლატფორმის მემორანდუმის ხელმოწერას გეგმავს.
ეს კანონდარღვევაა – იუსტიციის უმაღლესი საბჭოს არამოსამართლე წევრს პოლიტიკური საქმიანობა ეკრძალება–ანა დოლიძე დღესაც რომ გადადგეს თანამდებობიდან, კანონი უკვე დარღვეული აქვს“, – აცხადებენ ანა დოლიძის კოლეგები და არასამთავრობო ორგანიზაციები – როცა “სხვას აკრიტიკებ გამჭვირვალობის, საჯაროობის, კეთილსინდისიერების ნაკლებობისთვის, თავად კანონის დამრღვევი არ უნდა იყო.როგორც ჩანს, საზოგადოებისთვის თვალებში ნაცრის შეყრის პოლიტიკა გრძელდება.
ანა დოლიძეს საბჭოს დატოვება 15 ივნისს .7-მა არასამთავრობო ორგანიზაციამ მოსთხოვა. მათი შეფასებით, ამა დოლიძის პოლიტიკურმა გააქტიურებამ საზოგადოების ნაწილში გააჩინა მოლოდინები მის სამომავლო პარტიულ საქმიანობასა და აქტიურ პოლიტიკაში ჩართვასთან დაკავშირებით, რაც იუსტიციის საბჭოში მის თანამდებობასთან შეუთავსებელია.
“ამიტომ, თუ ის უახლოეს მომავალში პოლიტიკურ საქმიანობას აპირებს, მოვუწოდებთ თავად და დროულად მიიღოს გადაწყვეტილება თანამდებობის დატოვების შესახებ”, – წერია არასამთავრობოების განცხადებაში.
თავად დოლიძემ NGO-ების პასუხად განაცხადა, რომ იუსტიციის საბჭოში საქმიანობის გაგრძელებას აპირებს, ხოლო “თუ პოლიტიკურ საქმიანობას გადაწყვეტს, იუსტიციის საბჭოსთან მიმართებაში გადაწყვეტილებასაც კანონის შესაბამისად მიიღებს”.