საქართველოში კორონავირუსისგან კიდევ 8 ადამიანი გამოჯანმრთელდა და გამოჯანმრთელებულთა რიცხვი 739 გახდა. ამის შესახებ ინფორმაცია მთავრობის მიერ შექმნილ სპეციალურ ვებ-გვერდზე stopcov.ge-ზე არის განთავსებული. ამასთან, ქვეყანაში კორონავირუსით ინფიცირებულთა რაოდენობა 893-ს შეადგენს.
კარანტინის რეჟიმშია 2710 ადამიანი, ხოლო სტაციონარში მეთვალყურეობის ქვეშ 267 პირი. ქვეყანაში კორონავირუსით 14 ადამიანი გარდაიცვალა. უცხოეთიდან სამკურნალოდ გადმოყვანილია საქართველოს 3 მოქალაქე.