პრემიერმინისტრი გიორგი გახარია ასე პასუხობს კითხვას 20 ივნისს განვითარებული მოვლენების შესახებ.
,, ივნისთან დაკავშირებით უამრავი სხვადასხვა კითხვა იქნება — ვინ გასცა ბრძანება, ისროდნენ თუ არა დამიზნებით. ეს ყველაფერი არის მეორეხარისხოვანი. ჩემთვის პირადად, ჩემთვის პირადად. აი, ასე, ჩემთვის არის მეორეხარისხოვანი.
რა არის ჩემთვის მთავარი? ჩემთვის მთავარი არის ის, რომ 20 ივნისს ერთი წელი გავა, ორი წელი გავა თუ ბევრი წელი გავა ამის შემდგომ, ეს იყო ქმედება, რომლითაც შინაგან საქმეთა სამინისტრომ და სამართალდამცავმა სისტემამ ქვეყანას აარიდა დიდი დესტაბილიზაცია და არეულობა.
ეს იყო პარლამენტზე შტურმი, სახელმწიფო ინსტიტუტზე შტურმი, რომელიც შინაგან საქმეთა სამინისტრომ, მისმა თითოეულმა თანამშრომელმა, მთლიანად სამართალდამცავმა სისტემამ არ დაუშვა. ეს იყო მათი მოვლეობა, რაც მათ უნდა გაეკეთებინათ და მათ ეს გააკეთეს.