მთავარისიახლეებიპოლიტიკაევროპარლამენტარი ანჟეი ჰალიცკი: ,, მე კვლავ შეშფოთებული ვარ, რადგან გიორგი რურუა, რომელიც...

ევროპარლამენტარი ანჟეი ჰალიცკი: ,, მე კვლავ შეშფოთებული ვარ, რადგან გიორგი რურუა, რომელიც 8 მარტის შეთანხმების ნაწილი იყო, კვლავ დაპატიმრებულია”

Published on

ევროპარლამენტარმა ანჟეი ჰალიცკიმ საქართველოს გენერალურ პროკურორს, ირაკლი შოთაძეს გიორგი რურუას საქმეზე წერილი მისწერა.

ჰალიცკი 8 მარტის შეთანხმების შესრულების აუცილებლობაზე საუბრობს და მიუთითებს, რომ მას შეუძლია რურუასთვის აღკვეთის საპატიმრო ღონისძიების არასაპატიმრო ღონისძიებით შეცვლა მოითხოვოს.საქართველოს პრაქტიკის თანახმად, მსგავს დანაშაულებში ბრალდებულებს აღკვეთის ღონისძიებად, უმეტესად, გირაო შეეფარდებათ, რურუას შემთხვევაში კი ასე არ მოხდა – ნათქვამია წერილში.

“როგორც საქართველოს ერთგული მეგობარი ევროპარლამენტში, მივესალმე საქართველს ხელისუფლებას და ოპოზიციას შორის 8 მარტს გაფორმებულ შეთანხმებას, რომელიც აშშ-ის, ევროკავშირის, ევროსაბჭოს და გერმანიის ელჩების შუამავლობით გაფორმდა. ევროკავშირი აცხადებდა, რომ “შეთანხმება იყო მნიშვნელოვანი და ცხადი სიგნალი ორივე პოლიტიკური მხარის ხელმძღვანელობისთვის და ასახავდა მათ სურვილს, შეემცირებინათ არაჯანსაღი პოლიტიკური პოლარიზაცია საქართველოში.

თუმცა, მე კვლავ შეშფოთებული ვარ, რადგან, მიუხედავად იმ ნაბიჯებისა, რომელიც შეთანხმების შესრულებისთვის გადაიდგა, გიორგი რურუა, რომელიც ამ შეთანხმების ნაწილი იყო, კვლავ დაპატიმრებულია, პარალელურად კი მიმდინარეობს მისი დისკრედიტაციის კამპანია ისეთ საქმეებზე, რომელიც მისთვის წარდგენილ ბრალს არ უკავშირდება და ეს კამპანია მთავრობის და მმართველი გუნდის წევრებმა დაიწყეს.

როგორც გადამწყვეტი მომენტი საქართველოს კონსტიტუციაში ცვლილების შეტანისა და საარჩევნო სისტემის შეცვლისთვის, რაც ასევე არის 8 მარტის შეთანხმების საგანი, მე და ევროპარლამენტში საქართველოს სხვა მეგობრები იმედს გამოვთქვამთ, რომ მისი სრულად შესრულება გზას გაუხსნის პოლარიზაციის შემოტრიალებას და ქვეყანაში ცივილიზებული კამპანიის ჩატარებას.

მთავრობა აგრძელებს განცხადებების გაკეთებას, რომ ქვეყანაში არ არიან პოლიტიკური პატიმრები, ოპოზიცია კი საპირისპიროს აგრძელებს, თუმცა, ყველა თანხმდება, რომ დაძაბულობის შემცირება ქვეყნის ინტერესია. ზედმეტია შეხსენება, რომ გიორგი რურუას წინასწარ პატიმრობაში ყოფნა მთლიანად საქართველოს სასამართლოს და პროკურატურის დისკრეციაა. თუმცა, მინდა, ყურადღება გავამახვილო იმაზეც, რომ ბევრმა დამკვირვებელმა შეშფოთება გამოთქვა, რომ ბატონი რურუას წინასწარ პატიმრობაში ყოფნა ეწინააღმდეგება საქართველოს პრაქტიკას, ისეთ დანაშაულებზე, რაზეც რურუას ედავებიან, ძირითად შემთხვევებში აღკვეთის ღონისძიებად გირაო დააწესოს.

როგორც ვიცი, პროკურატურამ მოწმეების გამოკითხვა, პრაქტიკულად, დაასრულა. აქედან გამომდინარე, მოგმართავთ, თქვენთვის კანონით მონიჭებული დისკრეციის ფარგლებში გაითვალისწინოთ რურუასთვის არასაპატიმრო ღონისძიების შეფარდების საკითხი. ეს უეჭველად შეიტანდა წვლილს 8 მარტის შეთანხმების შესრულების საქმეში და ხელს შეუწყობდა საქართველოს, ჩაეტარებინა ნაკლებად პოლარიზებული და ცივილიზებული საარჩევნო კამპანია”, – წერს ჰალიცკი

სიახლეები

20 ნოემბრის დღის მეორე ნახევრიდან ამინდი გაუარესდება – სააგენტოს პროგნოზი

გარემოს ეროვნული სააგენტოს ინფორმაციით, დასავლეთ საქართველოში 20 ნოემბრის დღის ბოლოდან 23 ნოემბრამდე და აღმოსავლეთ...

დაახლოებით სამი სართულის ნანგრევი ეყარა მას თავზე… ხელი როდესაც მოგვიჭირა მივხვდით, რომ კონტაქტური იყო -მეხანძრე-მაშველი 3 წლის თაიაზე

დაახლოებით სამი სართულის ნანგრევი ეყარა მას თავზე... ხელი როდესაც მოგვიჭირა მივხვდით, რომ კონტაქტური იყო ...

ალექსანდრე მუხაძეს უზენაესმა სასამართლომ 14-წლიანი პატიმრობა მიუსაჯა

საქართველოს უზენაესმა სასამართლომ დააკმაყოფილა პროკურატურის საჩივარი და პატიმრის წამებისთვის მსჯავრდებულ, სასჯელაღსრულების დეპარტამენტის მე-8 დაწესებულების...

კორპუსის აფეთქებას ფონიჭალაში 6 ადამიანი ემსხვერპლა

ფონიჭალაში 19 ნოემბერს მომხდარ ტრაგედიას 6 ადამიანი ემსხვერპლა. დაღუპულები არიან: ხუთი შვილის დედა ნინო...