სიეტლი შინაურმა ტერორისტებმა აიღეს, რომლებსაც რადიკალი მემარცხენე დემოკრატები მართავენ, – ამის შესახებ აშშ-ის პრეზიდენტი დონალდ ტრამპი სოციალურ ქსელ „ტვიტერში“ წერს.
პრეზიდენტი ტრამპი ადგილობრივ ხელისუფლებას მოუწოდებს, სიეტლში დემონსტრანტების მიმართ საჭირო ზომები დაუყოვნებლივ მიიღონ და ქალაქი დაიბრუნონ.
„რადიკალ მემარცხენე გუბერნატორსა და სიეტლის მერს იმ დონეზე იგდებენ მასხრად და ათამაშებენ, რისი მსგავსიც ჯერ ჩვენს დიდებულ ქვეყანას არ უნახავს. დაიბრუნეთ თქვენი ქალაქი უკან და თუ ამას თქვენ არ გააკეთებთ, მე ვიმოქმედებ. ეს თამაში არ არის. ამ მახინჯ ანარქისტებს დაუყოვნებლივ ქედი უნდა მოვახრევინოთ. სწრაფად იმოქმედეთ!“ – წერს დონალდ ტრამპი.
ცნობისათვის, ანტირასისტული საპროტეტო აქციის მონაწილეები სიეტლის მერიის ტერიტორიაზე შეიჭრნენ და მერის გადადგომა მოითხოვეს.