თბილისში, ნაძალადევში პარტია “ლელოს” ოფისის გაქურდვა სცადეს.
როგორც პარტიის მიერ გავრცელებულ განცხადებაშია ნათქვამი, რაიონული ორგანიზაციის თანამშრომლებს ოფისში შესასვლელი კარის ბოქლომი გატეხილი დახვდათ, რის შემდეგაც პოლიცია გამოიძახეს. პარტიის წევრები ამბობენ, რომ ფაქტს სუს-ის მხრიდან თვალთვალი უძღოდა წინ.
შსს-ს ინფორმაციით, ამ დროისთვის მიმდინარეობს საგამოძიებო მოქმედებები.
ფაქტზე გამოძიება სსკ-ის 19-177 მუხლით დაიწყო, რაც ქურდობის მცდელობას გულისხმობს.