მთავარისიახლეებიპოლიტიკადღეს გარეჯობაა. ,,ამ მიზეზით აზერბაიჯანის საზღვრის დარღვევა პროვოკაციაა და აღიკვეთება'' -...

დღეს გარეჯობაა. ,,ამ მიზეზით აზერბაიჯანის საზღვრის დარღვევა პროვოკაციაა და აღიკვეთება” – აცხადებს აზერბაიჯანის სასაზღვრო სამსახური

Published on

დღეს დავით გარეჯის სამონასტრო კომპლექსის ტერიტორიაზე გარეჯობის დღესასწაული აღინიშნება.

აზერბაიჯანის სასაზღვრო სამსახურმა განაცხადა, რომ მიღებული ინფორმაციით, დღეს საქართველოს მოქალაქეთა ჯგუფი „კეშიკჩიდაგის“ (დავით გარეჯი) ისტორიულ-კულტურული ნაკრძალის ტერიტორიაზე, აზერბაიჯანი-საქართველოს საზღვრის დარღვევით გეგმავს პროვოკაციული ხასიათის ქმედებას. ინფორმაციას სააგენტო „ტრენდი“ ავრცელებს.

აზერბაიჯანის სასაზღვრო სამსახურის განცხადებით, მიღებული ინფორმაცია ოფიციალურად შეატყობინეს საქართველოს სასაზღვრო უწყებას. აზერბაიჯანის სასაზღვრო სამსახურის განცხადებითვე, სახელმწიფო საზღვარზე ნებისმიერი პროვოკაცია მკაცრად აღიკვეთება და შესაძლო შედეგებზე პასუხისმგებლობა დაეკისრება პროვოკაციის ორგანიზტორებს.

როგორც ჩანს, სწორედ ამას უკავშირდება ანტისაოკუპაციო მოძრაობის ლიდერის დავით ქაცარავას გუშინდელი გამოკითხვა საქართველოს სახელმწიფო უსაფრთხოების სამსახურში

დავით ქაცარავამ უწყების შენობიდან გამოსვლისას მედიას უთხრა, რომ გამოკითხვა დავით გარეჯის საკითხს ეხებოდა: “მე გაუთქმელობაზე მომიწია ხელის მოწერა და მოკლებული ვარ შესაძლებლობას, დეტალებში ვისაუბრო გამოკითხვაზე, რომელიც ჩატარდა. საზოგადოების დიდი ნაწილისთვის, რომელსაც აინტერესებს და გულშემატკივრობს ანტისაოკუპაციო მოძრაობას, ჩვენ ვაგრძელებთ ფუნქციონირებას, მონიტორინგს, მოქმედებებს დავით გარეჯთან მიმართებაში და არაფერს არ ვცვლით”.

რამდენიმე დღით ადრე, 30 მაისს სახელმწიფო უსაფრთხოების სამსახურმა განაცხადა, რომ რასობრივი დისკრიმინაციის ფაქტზე გამოძიება დაიწყო: „საქართველოში არსებობენ პირთა ჯგუფები და რიგი მოქალაქეები, რომლებიც ცდილობენ ქვემო ქართლის და კახეთის რეგიონებში ეთნიკურ ქართველებსა და აზერბაიჯანელებს შორის შუღლის გაღვივებას“ და ამ რეგიონებში „წამოჭრილი საკითხების გამოყენებას ეროვნული მტრობის ჩამოგდების მიზნით“.

სიახლეები

20 ნოემბრის დღის მეორე ნახევრიდან ამინდი გაუარესდება – სააგენტოს პროგნოზი

გარემოს ეროვნული სააგენტოს ინფორმაციით, დასავლეთ საქართველოში 20 ნოემბრის დღის ბოლოდან 23 ნოემბრამდე და აღმოსავლეთ...

დაახლოებით სამი სართულის ნანგრევი ეყარა მას თავზე… ხელი როდესაც მოგვიჭირა მივხვდით, რომ კონტაქტური იყო -მეხანძრე-მაშველი 3 წლის თაიაზე

დაახლოებით სამი სართულის ნანგრევი ეყარა მას თავზე... ხელი როდესაც მოგვიჭირა მივხვდით, რომ კონტაქტური იყო ...

ალექსანდრე მუხაძეს უზენაესმა სასამართლომ 14-წლიანი პატიმრობა მიუსაჯა

საქართველოს უზენაესმა სასამართლომ დააკმაყოფილა პროკურატურის საჩივარი და პატიმრის წამებისთვის მსჯავრდებულ, სასჯელაღსრულების დეპარტამენტის მე-8 დაწესებულების...

კორპუსის აფეთქებას ფონიჭალაში 6 ადამიანი ემსხვერპლა

ფონიჭალაში 19 ნოემბერს მომხდარ ტრაგედიას 6 ადამიანი ემსხვერპლა. დაღუპულები არიან: ხუთი შვილის დედა ნინო...