ცხინვალის ოკუპირებულ რეგიონში კორონავირუსის 3 ახალი შემთხვევა დადასტურდა, – ამის შესახებ ე.წ. სამხრეთ ოსეთის მთავარმა სანიტარულმა ექიმის მოადგილემ, ანა გაგლოევამ, განაცხადა.
მისივე თქმით, დაინფიცირებული პირებიდან ერთი მედიკოსია, ორი კი – სამხედრო სასწავლებლის კურსანტი.
ცნობისათვის, ოკუპირებიულ ცხინვალში 6 მაისიდან, ანუ იმ დღიდან, როცა რეგიონში კორონავირუსის პირველი შემთხვევა დადასტურდა, კორონავირუსით 45 ადამიანი დაინფიცირდა. 31 მათგანი უკვე გამოჯანმრთელდა და საავადმყოფოებიდან გაწერეს.