ანაკლია-განმუხურის საკარანტინო სივრცეში ამ დროისთვის 61 პირი იმყოფება. ამ დროის მონაცემებით, რეგიონის მასშტაბით თვითიზოლაციაში 18 ადამიანი რჩება. სულ ეპიდზედამხედველობა დამყარდა 1730 მოქალაქეზე. ინფორმაციას სამეგრელო-ზემო სვანეთის სამხარეო ადმინისტრაცია ავრცელებს.
ამავე ცნობით, გუშინ, ზუგდიდის ინფექციური საავადმყოფოს ლაბორატორიაში გამოიკვლიეს 95 ნიმუში, საიდანდაც: მედპერსონალი – 51, საკარანტინო სივრციდან – 15, თვითიზოლაციიდან – 10 და 19 პაციენტი (პაციენტებიდან სამი ეკუთვნის მძღოლის კლასტერს), აქედან ერთი გამოჯანმრთელდა, ორზე კი სუსტად დადებითი პასუხია, რომელთაც ხელახლა ჩაუტარდებათ კვლევა.
დაავადებათა კონტროლისა და საზოგადოებრივი ჯანმრთელობის ეროვნული ცენტრის სამეგრელო–ზემო სვანეთის განყოფილების მიერ დღეს რეგიონის სხვადასხვა მუნიციპალიტეტებში დამატებით ბიოლოგიური მასალების აღება მოხდება.