აფხაზეთში, ქვემო ეშერაში, აფხაზი სეპარატისტების ლიდერის, ვლადისლავ არძინბას სახლი დაცხრილეს. ინფორმაციას ამის შესახებ ნიუპოსტი sova news- ის ციტირებით ავრცელებს.
რუსეთის მიერ ოკუპირებული აფხაზეთის ე.წ. შსს მინისტრის სიტყვებით, ამ აქციის მომწყობი უკვე დაკავებულია, თუმცა, ადგლობრივი მოსახლეობა ე.წ. სამართალდამცავებთან თანამშრომლობას არ აპირებს.
საოკუპაციო რეჟიმის ცნობით, მას შემდეგ, რაც 29 მაისს, ადგილობრივმა შსს-მ დააკავა 2019 წლის დეკემბერში, სოხუმში, რესტორან “სან-რემოსთან” მომხდარ სამმაგ მკვლელობაში ეძჭვმიტანილი ერიკ ჭკადუა, რამდენიმე ადამიანი არძინბას სახლისკენ გაემართა და მისი მიმართულებით რამდენიმე გასროლა განახორციელა.
ვრცელდება ინფორმაცია, რომ საოკუპაციო რეჟიმის ძალოვანი სტრუქტურები საგანგებო რეჟიმში იმყოფებიან.