ანაკლია-განმუხურის საკარანტინო სივრცეში ამ დროისთვის 49 პირი იმყოფება. ამ დროის მონაცემებით, რეგიონის მასშტაბით თვითიზოლაციაში 15 ადამიანი რჩება. ინფორმაციას სამეგრელო-ზემო სვანეთის სამხარეო ადმინისტრაცია ავრცელებს.
ამავე ცნობით, გუშინ, ზუგდიდის ინფექციური საავადმყოფოს ლაბორატორიაში გამოიკვლიეს 78 ნიმუში, აქედან 77 უარყოფითია, ერთი პასუხი კი ხელახლა დაიტესტება.
დაავადებათა კონტროლისა და საზოგადოებრივი ჯანმრთელობის ეროვნული ცენტრის სამეგრელო–ზემო სვანეთის განყოფილების მიერ დღეს რეგიონის სხვადასხვა მუნიციპალიტეტებში დამატებით ბიოლოგიური მასალების აღება მოხდება.