ზუგდიდის მუნიციპალიტეტის ყოფილი გამგებელი და ამჟამად ბიზნესმენი ალექსანდრე ქობალია საკუთარი წინაპრების ორ სოფელში, კორცხელსა და ბაშში, 180 ოჯახს 25 კილოგრამიანი პურის ფქვილით დაეხმარა.
როგორც მან აღნიშნა, განსაკუთრებით პანდემიის პერიოდში გაუსაძლისი გახდა სოფლის მოსახლეობის ყოფა და ისინი ტრანსპორტირებას ქალაქშიც ვერ ახერხებენ.
„გავითვალისწინე რა მათი სოციალური მდგომარეობა გადავწყვიტე დავხმარებოდი ხალხს, მიუხედავად იმისა, რომ წლებია გამგებელი არ ვარ.უყურადღებოდ არასდროს ვტოვებ სოფელს. გზაც ჩემი გამგებლობის პერიოდში გაკეთდა, ახლა ცოტა არ იყოს გული მწყდება, უფრო მეტს იმსახურებენ“,-აცხადებს ალექსანდრე ქობალია.
„ სულ გვპატრონობს და ეს 25 კილოგრამიანი ფქვილი ჩვენი ოჯახებისთვის დიდი შეღავათია ამ კორონავირუსის და გაჭირვების ჟამს“,- ამბობს სოფელ კორცხელის მკვიდრი თემურ ჯიჭონაია.
სოფლის მცხოვრებელები ამბობენ, რომ ეს პირველი შემთხვევა არ არის და ყოფილი გამგებელი მათ ხშირად ეხმარება.
