პანდემიის საშიშროების გავრცელების გამო, რამდენიმე თვით დახურულ ბარ-რესტორან ელ ბარკოს, პირველი სტუმრის სტატუსით ჩვენი გადამღები ჯგუფი ეწვია.
ელ ბარკო – მყუდრო, განსხვავებული ინტერიერითა და გარემოთი გამორჩეული ადგილია, რომელმაც ამ სფეროში საკუთარი ადგილი მალევე დაიმკვიდრა და რაც მთავრია, ზუგდიდელებისთვისა და ტურისტებისთვის ერთ-ერთ საყვარელ და მიმზიდველ ადგილად იქცა.
ელ ბარკოს ერთ-ერთი დამფუძნებელი იაგო ფასანძე გვიამბობს, თუ როგორ მოიპოვა მოკლე დროში საკუთარი ნიშა.
ელ ბარკოში მისული სტუმარი აუცილებლად მიხვდებოდა და იგრძნობდა იმ იშვიათი და ნატურალური პროდუქტების გემოს, რითაც კერძები მზადდებოდა.
მიუხედავად იმისა, რომ ორ თვეზე მეტია ელ ბარკო დახურულია, იაგო ამბობს, რომ ამ ხნის მანძილზე აქვთ გარკვეული პოზიტიური სიახლეები ბიზნეს საქმიანობის კუთხით.
იაგოს თქმით, პანდემიის გამო გამოწვეული ზარალი დაახლოებით 24 ათასი ლარია და იგი იმედს იტოვებს, რომ ელ ბარკო რამდენიმე კვირაში, დაახლოებით ივნისის შუა რიცხვებიდან კვლავ გაიხსნებს და სტუმრების სიახლეებით, ასევე ახალი რეგულაციების გათვალისწინებით მიიღებს.