ჩეჩნეთის რესპუბლიკის ლიდერი რამზან კადიროვი ჰოსპიტალიზებულია, ექიმებს კორონავირუსზე აქვთ ეჭვი. კადიროვი ინფორმაცია არ არის ოფიციალურად დადასტურებული.
„ინტერფაქსი“ იმოწმებს წყაროს „მოსკოვის სამედიცინო წრეებში“: „ეჭვი აქვთ, რომ კადიროვს კორონავირუსი აქვს, ის მედიკოსთა ზედამხედველობის ქვეშ იმყოფება“.
Baza -ს ცნობით, კადიროვს დაავადებული აქვს ფილტვები. იტყობინებიან, რომ მანამდე ის უჩიოდა სისუსტეს, მაგრამ ამას ჩვეულებრივ გაციებად მიიჩნევდნენ, თუმცა უკანასკნელ დღეებში მისი მდგომარეობა სწრაფად უარესდებოდა.
„ჩეჩნეთის სამთავრობო წყაროებზე დაყრდნობით “ ვრცელდება აგრეთვე ინფორმაცია, რომ კადიროვთან ერთად ჰოსპიტალიზებულია რეგიონის ჯანდაცვის მინისტრი ელხან სულეიმანოვი. სულეიმანოვის ავადმყოფობის ოფიციალური დადასტურება ჯერჯერობით არ ყოფილა, მაგრამ ფაქტია, რომ ჩეჩნეთში ეპიდემიოლოგიური ვითარების შესახებ მონაცემები ტრადიციულად სულეიმანოვმა კი არა მისმა მოადგილემ გამოაცხადა.