მე მგონი, თვითონ ამ საკითხის დაყენებაა გოიმური, – ასე ეხმიანება „ევროპული საქართველოს“ წევრი გიგი წერეთელი პარლამენტის ყოფილი თავმჯდომარის ირაკლი კობახიძის განცხადებას ოპოზიციის შესახებ.
დეპუტატი მიიჩნევს, რომ მსგავს განცხადებებზე და საკითხებზე სერიოზული კომენტარის გაკეთება არ ღირს- „არ მგონია, რომ ასეთ საკითხებზე სერიოზული განცხადებები უნდა გაკეთდეს. რას ნიშნავს საკითხის ასე დაყენება? მემგონი, თვითონ საკითხის დაყენება ძალიან გოიმურია,”- განაცხადა წერეთელმა.
,,გოიმურია თუ სვეტური ოპოზიცია, ამას ჩვენ გვიჩვენებს ოქტომბერში დაგეგმილი არჩევნები, – ასე გამოეხმაურა პარლამენტის პირველმა ვიცე-სპიკერი გია ვოლსკი ირაკლი ობახიძის ამ განცხადებას.
როგორც გია ვოლსკი აღნიშნავს, სხვადასხვა ტერმინოლოგიას მათი ოპონენტებიც იყენებენ.
„ყველა სხვადასხვა ტერმინოლოგიას ხმარობს, ზოგი ამბობს – „ნაცები შმაცები”, ისინიც ხანდახან იყენებენ გარკვეულ სიტყვებს და მე არ გამიგია, რომ თქვენ გეკითხათ, თუ რატომ მოიხსენიებენ ისინი თავის ოპონენტებს აუგი სიტყვით, “- აღნიშნა გია ვოლსკიმ.
ცნობისათვის, ირაკლი კობახიძემ „პოსტივის“ ეთერში განაცხადა, რომ „ასეთი გოიმური ოპოზიცია საქართველოს ისტორიაში არ ახსენდება”.