ნიკა მელია: ,,ვინც ფეხქვეშ ფიანდაზად ეფინებოდნენ ხელისუფლებაში მყოფ ვანო მერაბიშვილს, დღეს თითქოს ერთმანეთს ეცილებიან მის გაკიცხვასა თუ ირიბ კრიტიკაში”

0
495

„ერთიანი ნაციონალური მოძრაობის“ პოლიტიკური საბჭოს თავმჯდომარე ნიკა მელია ეხმაურება ყოფილი პრემიერ-მინისტრის ვანო მერაბიშვილის შესახებ „ევროპული საქართველოს“ გენერალური მდივნის გიგი უგულავას განცხადებას.

„დღეს დამიკავშირდნენ მედიიდან კითხვებით ვანო მერაბიშვილის აქტიურ პოლიტიკაში დაბრუნებასთან დაკავშირებით. ვინაიდან თავად ვ.მერაბიშვილს ჯერ არ მიუღია გადაწყვეტილება, მე მხოლოდ ჩემი პირადი მოსაზრების გაზიარებით შემოვიფარგლები. რასაც ვაკვირდები, ბოლო პერიოდია ბევრნი, ვინც ფეხქვეშ დაახლოებით ფიანდაზად ეფინებოდნენ ხელისუფლებაში მყოფ ვ. მერაბიშვილს, და ერთმანეთს ეცილებოდნენ მის ქება-დიდებაში, დღეს რაღაცნაირად თითქოს ერთმანეთს ეცილებიან იგივე ვ.მერაბიშვილის გაკიცხვასა თუ ირიბ კრიტიკაში

ცნობისათვის: ,, საქართველოს ყოფილი პრემიერ-მინისტრი ვანო მერაბიშვილი „ნაციონალურ მოძრაობაში” გააგრძელებს საქმიანობას, როგორი ფორმით იქნება და რანაირად, ეს უკვე “ნაციონალური მოძრაობის” საქმეა. საიდუმლო გავეცი? – არ მგონია, ეს დიდი საიდუმლო იყოს, მე ჩავთვალე, რომ ეს ყველასთვის ცხადი იყო.ვანო მერაბიშვილი გუშინ თუ გუშინწინ ვნახე და ვესაუბრე. – ჩემი და ვანო მერაბიშვილის მეგობრობა “ვარდების რევოლუციამდე” დაიწყო, 1998 წლიდან, მეგობრობა სხვა რაღაცაა და რაც შეეხება პოლიტიკურს…” – განაცხადა გიგი უგულევამ გადაცემაში ,,360 გრადუსი”

“მერაბიშვილის ადგილს პოლიტიკაში საერთოდ ვერ ვხედავ. მან შეიძლება მოიგოს ერთი მაჟორიტარული ოლქი და ამით დამთავრდება მისი პოლიტიკური მწვერვალზე ასვლა. მისი მაჟორიტარობის წინააღმდეგი ვიქნებოდი ერთმნიშვნელოვნად, თუ ეს ეხება საერთო ოპოზიციური ფორმატით მის დასახელებას”, – განაცხადა ირაკლი ოქრუაშვილმა.

რაც შეეხება ნაციონალურ მოძრაობის რეაქციას უგულავას განცხადებაზე, ფრაქცია „ნაციონალური მოძრაობის” თავმჯდომარის, რომან გოცირიძის ინფორმაციით, ვანო მერაბიშვილის გაწევრიანების თაობაზე პარტიაში საუბარი არ ყოფილა და არც მას განუცხადებია ამაზე საჯაროდ. ბუნებრივია, თუ ის გადაწყვეტს პოლიტიკურ აქტიურობას, ეს არის მისი არჩევანი”- განაცხადა გოცირიძემ.

წინა სტატიასაქართველოს მესამე პრეზიდენტი ჩვენს პოლიტიკაში უზარმაზარი ფაქტორია. ახლა მას, როგორც უკრაინის სახელისუფლო პოზიციაზე მყოფ ადამიანს, ნაკლები დოზით ვიხილავთ ფორმალურ ნაწილში, არაფორმალურ ნაწილში კი ყოველდღე ველაპარაკები, მისი აზრი მაინტერესებს“ – გრიგოლ ვაშაძე
შემდეგი სტატია,,რუსეთმა უნდა გაიყვანოს თავისი ძალები საქართველოს ტერიტორიიდან!” – აშშ-ის ელჩი საქართველოში კელი დეგნანი
ტელეკომპანია ოდიშის საინფორმაციო სამსახური