მათში არის ჩაბუდებული ბოროტი სული.- განაცხადა ქართული ოცნების აღმასრულებელმა მდივანმა ირაკლი კობახიძემ POSTV-ის ეთერში, შალვა რამიშვილთან ინტერვიუში.

,, როდესაც ბოროტით მოქმედებ და ბოროტი განზრახვით მოქმედებ, რაც არ უნდა ტელევიზია გქონდეს, იქ მოპარული ფული გქონდეს დაგროვილი, იქ ლეიბორისტული პარტიის ოფისი გქონდეს და ა.შ, ეს არ შველის საქმეს, რადგან საბოლოო ჯამში, ვიცით, რომ ეს არის კლასიკა, კეთილი იმარჯვებს ბოროტზე. ამ ბოროტისგან ისინი ვერ თავისუფლდებიან. 

ეს ბოროტება არ არის პრაგმატული არჩევანი, მათთვის ეს არის მრწამსის საქმე. ეს არის მათი მრწამსის შემადგენელი ნაწილი – მათ ჰგონიათ, რომ საინტერესოა, იყო ბოროტი და მოქმედებდე ასეთი სულისკვეთებით.

ზოგადად თუ გადაავლებთ თვალს, ელემენტარულად, ვიზუალურად თუ გადახედავთ იმ სურათს, რომელიც არის ჩამოყალიბებული ლეიბორისტული პარტიის ოფისში, უკვე ყველაფერი ნათელი ხდება. ასეთი სპექტრი, ბუნებრივია, განწირულია წარუმატებლობისთვის.

არ მინდა, უხეში ტერმინი გამოვიყენო, მაგრამ ასეთი მარგინალური, კიდევ უფრო გავამძაფრებდი – გოიმური ოპოზიციური სპექტრი, მე არ მახსენდება საქართველოს ისტორიაში.

ბევრი რთული წელი გამოვიარეთ ამ 30 წლის მანძილზე, მაგრამ ასეთი მძიმე სურათი მე არ მახსენდება, ასეთი მწირი სპექტრი ინტელექტუალური თვალსაზრისით და ეკლექტური, რა თქმა უნდა” – განაცხადა კობახიძემ.