უკანონო ბორდერიზაციის პროცესი კვლავ გრძელდება რუსი სამხედროების მხრიდან ე.წ სასზღვრო ზოლთან. გავრცელებული ინფორმაციის თანახმად, ფახულანის შემდეგ აღნიშნული პროცესი ხურჩაში განხორციელდა და ასევე განმუხურთან მოსაზღვრე სოფელ ფიჩორში. როგორც ჩვენთან ინტერვიუში სოფელ ხურჩაში მცხოვრები ადგილობრივები აცხადებენ, საოკუპაციო ძალების მხრიდან ამგვარი მოქმედება მათ არ გაკვირვებით, რადგანაც ასეთ ქმედებებს ოკუპანტების მხრიდან სისტემატიური ხასიათი აქვს. მათი თქმით, ხშირად ამჩნევენ რუს სამხედროებს მავთულხლართების მიმდებარე ტერიტორიასათან, სადაც მათ უკანონო ინსტალაციებია აღმართული. აღნიშნულ ფაქტს სახელმწიფო უსაფრთხოების სამსახურში ადასტურებენ და აცხადებენ, რომ გააქტიურებულია ცხელი ხაზი და ამის შესახებ ინფორმირებულია ევროკავშირის სადამკვირვებლო მისია. „უკანონო ე.წ ბორდერიზაცია აზიანებს ადგილზე არსებულ უსაფრთხოების გარემოს და ართულებს ადგილობრივების ყოველდღიურ ცხოვრებას“, – აცხადებენ სუს-ში.