,,ლელო საქართველოსათვის“ ზუგდიდის ორგანიზაციამ დღეს გიგა ოთხოზორიას საფლავი მოინახულა და მის ხსოვნას პატივი მიაგო. “ აფხაზმა მესაზღვრემ რაშიდ კანჯი ოღლმა მხეცურად ცეცხლსასროლი იარაღიდან დამიზნებით რამოდენიმეჯერ გასროლის შედეგად სიცოცხლეს გამოასალმა ქართველი პატრიოტი გიგა ოთხოზორია. რომელმაც გაბედა და უკმაყოფილება გამოთქვა საზღვარზე გამეფებულ დისკრიმინაციულ ქმედებებზე რუსი და აფხაზი ეგრეთ წოდებული მებაჟეების მხრიდან. დღემდე მკვლელი თავისუფლებით ტკბება, მისი დასჯა საოკუპაციო რეჟიმის მხრიდან არც არავის მოსვლია თავში, საქართველოს ხელისუფლება და მისი სპეციალური სამსახურები სამწუხარო უმოქმედობით არიან დაკავებულები. უფრო მეტიც რომ არა სათვალთვალო კამერები დიდი ალბათობით ამ სისასტიკის თვითმხილველებიც ვერ გავხდებოდით და სავარაუდოდ არც გახმაურდებოდა. „- განაცხადა ორგანიზაციის რაიონულმა ხელმძღვანელმა ალექსანდრე ახვლედიანმა.
2016 წლის 19 მაისს საოკუპაციო ხაზთან, ხურჩა-ნაბაკევის გამშვებ პუნქტთან მოკლეს. . ოკუპირებული აფხაზეთის დე-ფაქტო სამხედრო პროკურატურამ ოთხოზორიას მკვლელობის საქმეზე ფიქციური გამოძიება დაიწყო და რაშიდ კანჯი-ოღლის დე-ფაქტო სასამართლომ აღკვეთის ღონისძიების სახით შინაპატიმრობა შეუფარდა.