რუხის საავადმყოფოში წუხელ 3 პაციენტი შეიყვანეს, რომელთაგანაც ერთი არასრულწლოვანია.- ამის შესახებ ინფორმაცია ჟურნალისტებს რუხის საავადმყოფოს კლინიკურმა დირექტორმა, ნიკოლოზ ქარცივაძემ მიაწოდა.
„არც ერთ მათგანს კლინიკურად სიმპტომები არ არის გამოხატული, ჩაუტარდა სათანადო კვლევები, ჯერჯერობით მდგომარეობა დამაკმაყოფილებელია. ზოგადად კლინიკაში 22 პაციენტია. ამათგან კოვიდინფიცირებული იყო 7 და წუხელ გვიან ღამით დაემატა 3. საერთო ჯამში ამჟამად გვყავს 10 დადასტურებული შემთხვევა. ყველას მდგომარეობა სტაბილურია. შედარებით საყურადღებოა 16 რიცხვში შემოყვანილი ხანდაზმული ქალბატონის მდგომარეობა. მოგეხსენებათ რომ ხანდაზმულ პაციენტებში შედარებით უფრო პრობლემურად მიმდინარეობს ეს დაავადება. ბოლო ორ დღეში შემოსული 6 ინფიცირებული ტრაილერის მძღოლის კლასტერია“- განაცხადა ქარცივაძემ