შინაგან საქმეთა სამინისტროს იმერეთის, რაჭა-ლეჩხუმისა და ქვემო სვანეთის პოლიციის დეპარტამენტის დეტექტივების სამმართველოს თანამშრომლებმა, საჩხერეში განხორციელებული სპეცოპერაციის შედეგად 1990 წელს დაბადებული ბესიკ ივანაშვილი დააკავეს.
შინაგან საქმეთა სამინისტროს ცნობით, დაკავებულს ბრალი წინასწარი შეცნობით თოთხმეტი წლის ასაკს მიუღწეველი პირის მიმართ ჩადენილ გარყვნილ ქმედებაში ედება.
ვრცელდება ინფორმაცია, რომ დაკავებული “ქართული ოცნების” თავმჯდომარის ბიძინა ივანიშვილის მეზობელი და ოჯახის ახლობელია.
ბესიკ ივანაშვილი ბიზმესმენია. მისი სახელი საეჭვო ტენდერებშიც ფიგურირებს.
შინაგან სამეთა სამინისტროში ამბობენ, რომ გამოძიება საქართველოს სსკ-ის 141-ე მუხლის მე-2 ნაწილის „ვ“ ქვეპუნქტით მიმდინარეობს, რაც გულისხმობს წინასწარი შეცნობით თოთხმეტი წლის ასაკს მიუღწეველთან ჩადენილ გარყვნილ ქმედებას.
დანაშაული 8-დან 10 წლამდე ვადით თავისუფლების აღკვეთას ითვალისწინებს.