მთავარისიახლეებიპოლიტიკაამერიკელი სენტორები: მივესალმებით პოლიტპატიმრების გათავისუფლებას და ველით დაპირებულ ცვლილებებს საარჩევნო სისტემაში. აგრეთვე...

ამერიკელი სენტორები: მივესალმებით პოლიტპატიმრების გათავისუფლებას და ველით დაპირებულ ცვლილებებს საარჩევნო სისტემაში. აგრეთვე და მედიამფლობელის გიორგი რურუას გათავისუფლებას

Published on

აშშ-ის სენატის საგარეო ურთიერთობა კომიტეტის თავმჯდომარე, ჯეიმს რიში და მისი მოადგილე, ჯინ შაჰინი გიგი უგულავას და ირაკლი ოქრუაშვილის შეწყალებას სპეციალური განცხადებით გამოეხმაურნენ. 

“ოპოზიციის ორი ლიდერის შეწყალებით გათავისუფლება მნიშვნელოვანი ნაბიჯია 8 მარტის შეთანხმების შესრულებისკენ”, — წერს სენატორი რიში. 

სენატის საგარეო საქმეთა კომიტეტის მიერ გავრცელებულ განცხადებაში ასევე ნათქვამია, რომ პოლიტპატიმრების გათავისუფლება მნიშვნელოვანი ნაბიჯია, სასამართლოს პოლიტიკური გავლენისგან გასათავისუფლებლად. 

“მივესალმებით დღევანდელ შეწყალებას და ბნ. ოქრუაშვილის და ბნ. უგულავას ციხიდან გათავისუფლებას.

ეს მნიშვნელოვანი ნაბიჯია 8 მარტის შეთანხმების შესრულებისკენ, რამაც უნდა გარდაქმნას საარჩევნო სისტემა და დაასრულოს პოლიტიკური ჩარევა სასამართლოს საქმიანობაში. დღევანდელი გათავისუფლებები ძლიერი სიგნალია მათთვის, ვინც ამ პროცესში ძალისხმევა გასწია და იმუშავა, რომ შეთანხმება ხელმოწერილიყო და პროგრესისთვის მიგვეღწია.

მომდევნო კვირებში, მას შემდეგ რაც პარლამენტი სამუშაო რეჟიმში დაბრუნდება ველით დაპირებულ ცვლილებებს საარჩევნო სისტემაში. ასევე, ველით გიორგი რურუას გათავისუფლებას, მედიის მფლობელის, რომელიც დეკემბერში საეჭვო ბრალდებებით დააკავეს”, — ნათქვამია სენატორების მიერ გავრცელებულ განცხადებაში.

საქართველოს პრეზიდენტმა, სალომე ზურაბიშვილმა, პოლიტპატიმრები, გიგი უგულავა და ირაკლი ოქრუაშვილი შეიწყალა. 

სიახლეები

20 ნოემბრის დღის მეორე ნახევრიდან ამინდი გაუარესდება – სააგენტოს პროგნოზი

გარემოს ეროვნული სააგენტოს ინფორმაციით, დასავლეთ საქართველოში 20 ნოემბრის დღის ბოლოდან 23 ნოემბრამდე და აღმოსავლეთ...

დაახლოებით სამი სართულის ნანგრევი ეყარა მას თავზე… ხელი როდესაც მოგვიჭირა მივხვდით, რომ კონტაქტური იყო -მეხანძრე-მაშველი 3 წლის თაიაზე

დაახლოებით სამი სართულის ნანგრევი ეყარა მას თავზე... ხელი როდესაც მოგვიჭირა მივხვდით, რომ კონტაქტური იყო ...

ალექსანდრე მუხაძეს უზენაესმა სასამართლომ 14-წლიანი პატიმრობა მიუსაჯა

საქართველოს უზენაესმა სასამართლომ დააკმაყოფილა პროკურატურის საჩივარი და პატიმრის წამებისთვის მსჯავრდებულ, სასჯელაღსრულების დეპარტამენტის მე-8 დაწესებულების...

კორპუსის აფეთქებას ფონიჭალაში 6 ადამიანი ემსხვერპლა

ფონიჭალაში 19 ნოემბერს მომხდარ ტრაგედიას 6 ადამიანი ემსხვერპლა. დაღუპულები არიან: ხუთი შვილის დედა ნინო...