მთავარისიახლეებიმსოფლიოუზბეკეთმა უკან დაიბრუნა გულნარა ქარიმოვას მიერ საფრანგეთში გატანილი 10 მილიონი დოლარი

უზბეკეთმა უკან დაიბრუნა გულნარა ქარიმოვას მიერ საფრანგეთში გატანილი 10 მილიონი დოლარი

Published on

რადიო თავისუფლება ავრცელებს ინფორმაციას, რომ უზბეკეთის იუსტიციის სამინისტრომ და გენერალურმა პროკურატურამ შეძლეს საფრანგეთიდან დაებრუნებინათ ქვეყნის ყოფილი პრეზიდენტის ერთ დროს გავლენიანი ქალიშვილის, გულნარა ქარიმოვას მიერ საზღვარგარეთ გატანილი 10 მილიონი დოლარის აქტივები.

„ეს სახსრები ჩარიცხულია უზბეკეთის სახელმწიფო ბიუჯეტის ანგარიშზე და გამოყენებული იქნება საერთო წესით“ – ნათქვამია უზბეკეთის იუსტიციის სამინისტროს ცნობაში.

გულნარა ქარიმოვა 2014 წელს, როცა მისი მამა ჯერ კიდევ ცოცხალი იყო და ქვეყანას მართავდა, ტაშკენტში შინაპატიმრობაში ამყოფებდნენ

2017 წელს ქარიმოვას 10 წლით მიუსაჯეს პატიმრობა, მაგრამ რამდენიმე თვეში მისი სასჯელი შინაპატიმრობით შეცვალეს და ხუთ წლამდე დაიყვანეს.

გასული წლის მარტში ის ციხეში მოათავსეს, ბრალდებით, რომ შინაპატიმრობის პირობები დაარღვია. ცოტა ხნის წინ ყოფილი პრეზიდენტის ქალიშვილს უზბეკეთის სასამართლომ კიდევ 13 წლით პატიმრობა მიუსაჯა

უზბეკეთის უზენაესმა სასამართლომ 18 მარტს განაცხადა, რომ ქარიმოვა დამნაშავედ იქნა ცნობილი გამოძალვაში, ფულის გათეთრებაში, სხვათა საკუთრების გამოყენებასა და ფინანსურ და სხვა დანაშაულებში და იმავე დღეს, კიდევ ხუთ განსასჯელთან ერთად, პატიმრობა მიესაჯა.

უზბეკეთის სამართალდამცველი უწყებების ცნობით, გრძელდება უცხოელ კოლეგებთან ერთად მუშაობა აშშ-იდან შვეიცარიიდან, საფრანგეთიდან, რუსეთის ფედერაციიდან და სხვა ქვეყნებიდან ქარიმოვას კუთვნილის აქტივების დასაბრუნებლად. საუბარია დაახლოებით 1,3 მილიარდი დოლარის აქტივებზე.

სიახლეები

20 ნოემბრის დღის მეორე ნახევრიდან ამინდი გაუარესდება – სააგენტოს პროგნოზი

გარემოს ეროვნული სააგენტოს ინფორმაციით, დასავლეთ საქართველოში 20 ნოემბრის დღის ბოლოდან 23 ნოემბრამდე და აღმოსავლეთ...

დაახლოებით სამი სართულის ნანგრევი ეყარა მას თავზე… ხელი როდესაც მოგვიჭირა მივხვდით, რომ კონტაქტური იყო -მეხანძრე-მაშველი 3 წლის თაიაზე

დაახლოებით სამი სართულის ნანგრევი ეყარა მას თავზე... ხელი როდესაც მოგვიჭირა მივხვდით, რომ კონტაქტური იყო ...

ალექსანდრე მუხაძეს უზენაესმა სასამართლომ 14-წლიანი პატიმრობა მიუსაჯა

საქართველოს უზენაესმა სასამართლომ დააკმაყოფილა პროკურატურის საჩივარი და პატიმრის წამებისთვის მსჯავრდებულ, სასჯელაღსრულების დეპარტამენტის მე-8 დაწესებულების...

კორპუსის აფეთქებას ფონიჭალაში 6 ადამიანი ემსხვერპლა

ფონიჭალაში 19 ნოემბერს მომხდარ ტრაგედიას 6 ადამიანი ემსხვერპლა. დაღუპულები არიან: ხუთი შვილის დედა ნინო...