“ლელო საქართველოსთვის” სამეგრელოს რაიონულმა ოფისმა კამპანია „გაამწვანე შენი უბანი“ წამოიწყო. პოლიტიკური გაერთიანების “ლელო საქართველოსთვის” სამეგრელო-ზემო სვანეთის რაიონულმა ოფისმა კამპანია „გაამწვანე შენი უბანი“ ზუგდიდის ერთ-ერთი საცხოვრებელი კორპუსის საცხოვრებელ ეზოში მოაწყო. გაერთიანების ადგილობრივმა ლიდერებმა და იქ მცხოვრებმა მოსახლეობამ ეზოში ფიჭვის ხეები დარგეს. პარტიის ადგილობრივი ლიდერის ალექსანდრე ახვლედიანის თქმით,კამპანიის მიზანია მეტი რეკრეაციული ზონის შექმნა საცხოვრებელ უბნებში. ასევე კამპანიის ფარგლებში მოხდება ისეთი ადგილების იდენტიფიცირება, სადაც შესაძლებელია მცირე სკვერის მოწყობა-განახლება და ერთობლივი ძალებით მისი კეთილმოწყობა. „ ეს აქცია მნიშვნელოვანია ჩვენი ქალაქის, უბნის და ეზოების გალამაზებასა და გამწვანებაში ჩვენი წვლილი შევიტანოთ თითოეულმა ჩვენგანმა. ხეების დასარგავად შერჩეული გვქონდა რამდენიმე ლოკაცია,ასევე გვქონდა ზუგდიდის მუნიციპალიტეტის მერიისგან შესაბამისი ნებართვა,თუმცა შემდეგ ჩვენ ამის ნება არ დაგვრთეს,ვინაიდან კონკრეტული ლოკაციები იყო კერძო საკუთრებაში.მხედველობაში მაქვს ზუგდიდის ტუბ დისპანსერი და რუხის მრავალპროფილური საავადმყოფო,თუმცა აქ კონკრეტულ დასახლებაში ჩვენ მოსახლეობის დახმარებით შევძელით ხეების დარგვა და მსგავს აქციას მომავალშიც გავაგრძელებთ“,- აღნიშნა ალექსანდრე ახვლედიანმა.