„ეს არის კიდევ ერთი დადასტურება იმისა, რომ არსებობს პოლიტიკური დევნა და სურვილი იმისა, რომ უფრო მეტი პოლიტიკური პატიმარი გვყავდეს. ხელისუფლების მხრიდან ეს თამაში უკვე ძალიან სახიფათოა მათთვისაც და ქართული საზოგადოებისთვისაც. უკვე პირდაპირ საუბრობენ იმაზე, რომ საქართველოს ჰყავს პოლიტიკური პატიმრები. – ასე გამოეხმაურა სერგო რატიანი დამოუკიდებელი ექსპერტის დასკვნას იმის შესახებ, რომ მამუკა ხაზარაძის, ბადრი ჯაფარიძისა და ავთანდილ წერეთლის საქმეში არ არსებობს რაიმე საფუძველი იმის დასამტკიცებლად ფულის გათეთრების დანაშაული ჩაიდინეს.
,,ეს ძალიან მძიმე შეფასებაა და ამას ექნება თავისი შედეგები. სამწუხაროდ, ეს შედეგები იქნება ქართული სახელმწიფოსათვის და დღესაც იყო საუბარი იმაზე, რომ შესაძლებელია, ძალიან დიდი დახმარებები აღარ იყოს, მაგრამ, მიუხედავად იმისა, რომ საერთაშორისო საზოგადოებიდან არის საკმაოდ მწვავე შეფასება, ხელისუფლება ამ დაქოქილ მანქანას არ აჩერებს. -აცხადებს სერგო რატიანი – ივანიშვილის შემთხვევაში ჩვენ ვხედავთ, რომ ის პირდაპირ ნადირობს პოლიტიკურ ოპონენტებსა და პოლიტიკურ ლიდერებზე. მოულოდნელი იყო, რომ გიგი უგულავას დააკავებდნენ, მაგრამ გაბედეს და იკადრეს. ვფიქრობ ახლა უფრო რთული იქნება ამის გაკეთება, მაგრამ ივანიშვილისგან ყველაფერია მოსალოდნელი“
