საზოგადოებრივი მაუწყებლის აჭარის ტელევიზიის ჟურნალისტების მხარდასაჭერ აქციას ონლაინმედიებიც შეუერთდნენ. დღეს, 13 მაისიდან დილიდან მათ ფეისბუქზე “ქავერ” ფოტო შეცვალეს. აქციის ორგანიზატორია კოალიცია მედიის ადვოკატირებისთვის.
ფოტოზე ვკითხულობთ: “სოლიდარობა აჭარის საზოგადოებრივი მაუწყებლის ჟურნალისტებს”. აქციას ტელე-რადიო კომპანია „ოდიშიც“ შეუერთდა. აჭარის ტელევიზიის ჟურნალისტებს მხარდაჭერა სხვადასხვა დროს სხვადასხვა ფორმიღ გამოუცხადეს მაუწყებლებმა, 3 მაისს, პრესის თავისუფლების დღეს ტელევიზიების დიდმა ნაწილმა ზუსტად 19 საათზე იმავე შინაარსის წარწერით მხარდაჭერა გამოუცხადეს აჭარის ტელევიზიის ყოფილ და მოქმედ თანამშრომლებს.