ანაკლიის კარანტინიდან 3 პირი, რომელსაც კორონავირუსი დაუდასტურდა, რუხის საუნივერსიტეტო კლინიკაში გადაიყვანეს.
კლინიკის ადმინისტრაციული დირექტორის ირაკლი გვაზავას ინფრომაციით, პაციენტებში ვირუსი მსუქბუქი ფორმით მიმდინარეობს. დადასტურებულიდან 60-70 წლის ასაკობრივი ჯგუფია ორი (ქალი და მამაკაცი) და ისინი არიან ოჯახის წევრები, მესამე კი არის 25 წლის ქალბატონი. სამივე მათგანი თეთრიწყაროს კლასტერიდანაა. კვლევა ზუგდიდის ინფექციურ საავადმყოფოში ჩატარდა. ამ დროისთვის რუხის კლინიკაში იმყოფება კორონავირუსით 4 ინფიცირებული პაციენტი.