ზუგდიდის ინფექციური საავადმყოფოს ლაბორატორიულ განყოფილებაში დღეიდან მედიკოსების ბიოლოგიური მასალების კვლევები დაიწყო „კოვიდ 19“-ზე. საავადმყოფოს ლაბორატორიული მიმართულების ხელმძღვანელის, ლელა ქაჯაიას თქმით, ამას მოჰყვება კიდევ სხვა ეტაპები ანუ იმ რისკჯგუფების კვლევა, რომელთაც შეხება ჰქონდათ სხვადასხვა სამსახურებთან და მუშაობდნენ მთელი ამ ხნის მანძილზე. მისივე ინფორმაციით, ჯერჯერობით კვლევები მიმდინარეობს საუკეთესო შედეგებით რეგიონში და არის დადებითი დინამიკა.

ზუგდიდის ინფექციური საავადმყოფოს ლაბორატორიაში გუშინ კვლევა 13 პაციენტის ბიოლოგიურ მასალას ჩაუტარდა „კოვიდ 19“-ზედა ცამეტივე პაციენტზე  პასუხები იყო უარყოფითი. გამოიკვლიეს ხობის, სენაკისა და რუხის ცხელების ცენტრებში, ასევე საკარანტინო ზონაში მყოფი პაციენტები.

კოვიდ-19“-ზე ლაბორატორიული კვლევები ზუგდიდის ინფექციურ საავადმყოფოში რამდენიმე დღის წინ დაიწყო. უკვე ჩაუტარდა ტესტირება 40-მდე ადამიანს. არც ერთი პასუხი დადებითი არ ყოფილა.