ხობის რაიონის სოფელ ქარიატაში ხეების გადატანის სამუშაოები დილის 6 საათზე განახლდა. ბიძინა ივანიშვილისთვის განკუთვნილი 2 ასწლოვანი ჭადარის გადასატანად მდინარე ხობისწყალს კალაპოტი გაუზარდეს, რომელსაც 3 დღე დასჭირდა, რის შემდეგადაც ხეები მდინარე ხობისწყალში ბარჟათი ჩაუშვეს. ბარჟამ 10 კილომეტრი უნდა გაცუროს, რომ ზღვაში გავიდეს, შემდგომ ზღვით ივანიშვილის შეკვეთილში მდებარე რეზიდენციაში გადაიტანენ.
სამუშაოებში სანაპირო დაცვის კატარღებია ჩართული, ამასთანავე ადგილზე იმყოფება ხობის რაიონული განყოფილების პოლიციის 2 ეკიპაჟი.სოფელ ქარიატაში კიდევ 6 ხეა გამზადებული წასაღებად, ხოლო მეორე ხორგაში საუკუნოვანი ცაცხვის ხის ამორგვითი სამუშაოები მიმდინარეობს